Stordkonferansen 2010 

Stordkonferansen 15. september 2010 vert arrangert som den 12. i rekka, og  speglar utviklinga i industrien lokalt og internasjonalt. 

Dei  globale energi- og miljøutfordringane krev nytenking i petroleumsindustrien, samstundes som nye alternative energiformer vil gjera sitt inntog. 

I fjor på Stordkonferansen sa me at; ”Verda – og Noreg – treng olje og gass også i framtida. Ingenting tyder på at det finnes alternative energiformer som kan møte dagens energibehov dei nærmaste tiåra. “ Dette utsaknet står like sterkt på årets konferanse.

Den største naturvitskapsmannen i historia  -  Albert Einstein delte denne refleksjonen med ettertida;

”Den verda vi har skapt ved vår måte å tenkja på, har openbare problem som ikkje kan løysast ved framleis å tenkja på same måte”

Så løysinga ligg hos dei som tenkjer annleis.  På  Stordkonferansen 15. september vil du møta mange som tenkjer annleis, og som ser muligheiter i dei utfordringane me har. Anten det er gjeld utvikling av teknologi for å møta framtidige miljøkrav , utvikling og bruk av alternative energiformer,  vidareutvikling av subseateknologi, samt det å ta i bruk nye samarbeidsformer regionalt og internasjonalt, så har dei dette til felles;  å tenkja annleis. Me ser at det på ingen måte er dei industrielle aktørane som er sinkarar i utviklinga, tvert imot viser det seg at i dei aller fleste tilfeller er det verksemdene sjølv som tek initiativ til utvikling av produkt eller tenester som er tilpassa framtidas marknadskrav.

Ny teknologi, nye marknadskrav, globalisering og lønsemd er viktige stikkord. Korleis kan  leverandørindustrien og den maritime næringa i vår region posisjonera seg mot dei nye marknadsdrivarane?

Stordkonferansen 15. september vil gje deg nokre av svara, samt inspirera og gje matnyttig informasjon du kan ta med deg inn i kvardagen. Her treff du også dine noverande, men også moglege framtidige samarbeidspartnarar.

Me har invitert  industrileiarar med lang erfaring frå Petroleumsindustrien, og fleire av dei er no engasjert i spanande prosjekt innan alternativ energi.